Merry Christmas

Felices Festas a tod@s!

London time

Encántame este vídeo. Capta perfectamente o estilo de vida e a atmósfera londinense.

Mapas do centro de Londres

Aquí tedes un par de mapas de Londres:

- no primeiro tedes un mapa de rutas de autobuses no que se poden ver os lugares / monumentos / atraccións máis importantes da cidade.

- o segundo é o mapa da rede de metro para que vexades o grade que é a cidade!!

Buscade nos dous a estación de King's Cross / St. Pancras porque aí é onde está situado o noso albergue. Moi céntrico!

London South Bank

South Bank é un bonito tramo no corazón de Londres que bordea o Támesis desde a ponte de Lambeth ata a de Blackfriars. Ubicado en fronte das Casas do Parlamento e a pouca distancia de Covent Garden, é o destino perfecto para dar un paseo relaxante ou para atoparse algo novo. O programa completo de arte, teatro, exhibicións, música, cine, etc. fai de South Bank un bo lugar para todas as idades.

O único que eu teño que engadir é que é un dos meus sitios favoritos de Londres.

Aloxamento en Londres

Deixovos o enlace da páxina web do albergue ao que iremos en Londres. Chámase Keystone House e está situado en King's Cross, en pleno centro da cidade. Botádelle unha ollada ás fotos e deixade os vosos comentarios.

www.keystone-house.com/

Viaxe a Londres

Xa estamos a preparar a viaxe a Londres deste curso. Dentro de pouco teredes novas nosas.

DATA PARA A REUNIÓN:
xoves 6 de outubro ás 19,30 h.

Londres 2012

Viaxe a Bélxica

Despois de disfrutar durante tres anos desta experiencia tan marabillosa, este ano nos vemos forzados a suspender a viaxe a Bélxica porque non conseguimos o número mínimo de viaxeiros. Iso si, seguimos co mesmo ánimo e o curso que ven teremos preparada outra viaxe para todos os que se queiran apuntar. 

Grazas a tod@s os que fixestes posibles as viaxes a Londres, París e Dublín.

FELIZ E VIAXEIRO ANO 2011

"Le Tour du Monde" - Festival de esculturas de xeo de Bruxas

Cada ano, entre finais de novembro e principios de xaneiro, ten lugar en Bruxas o Festival de Esculturas de Xeo. Este inverno o festival levará a quen o visite a unha viaxe fascinante aos destinos turísticos mais populares e impresionantes do mundo. Grazas ao magnífico traballo de 30 artistas, o visitante poderá viaxar a través de mais 20 países. 

www.icesculpture.be

Amberes

Castelo de Steen

Engadimos Amberes ao noso itinerario deste ano xunto con Bruxelas e Bruxas. Amberes é unha cidade moi rica en historia. Está situada no corazón de Flandes e nela concéntrase o 85% da producción mundial de diamantes. Alí está o Museo do Diamante, a Casa Museo de Rubens (paisano de Amberes), o castelo de Steen (século XIII) e a Catedral de Notre Dame, entre outros monumentos importantes. Unha característica moi importante desta cidade é a presencia dunha grande comunidade xudía. Isto daranos a oportunidade de visitar unha sinagoga.

Catedral de Notre Dame

Deixovos unhas fotos para que lles botedes unha ollada.

Concello de Amberes

Hoxe visitamos Bruxas

Que vos parece?

Unha visita de cinco minutos a Bruxelas

Aquí tedes un vídeo de Bruxelas no que nos mostra o máis importante da cidade en cinco minutos.

Benvidos ao novo curso

Ola a tod@s!! Déixovos unha foto da Grand Place de Bruxelas para ir abrindo boca coa viaxe deste ano.

Próxima viaxe: Bruxelas e Bruxas

A nosa próxima viaxe será a Bruxelas e Bruxas. Animádevos a vir connosco!

Bloomsday

O Bloomsday é un evento anual que se celebra en honor de Leopold Bloom, personaxe principal da novela Ulises de James Joyce. Celébrase todos os anos desde 1954 o 16 de xuño, o día no que transcurre a acción do Ulises. Este día as persoas que o celebran procuran comer, cear e beber o mesmo que os protagonistas da obra. Tamén é típico que se celebren encontros de seguidores da obra en Dublín e que sigan o itinerario que fixo o protagonista no libro.

Podedes atopar máis información sobre esta celebración na páxina do James Joyce Centre (www.jamesjoyce.ie).

Fotos de Dublín

Podedes ver unha galería de imaxes da viaxe a Dublín no seguinte enlace.

Tamén están actualizadas as fotos das viaxes anteriores a París e Londres nos apartados de Fotos de París e Fotos de Londres.

Dublín, mércores 31 de marzo

Ben temprano puxemos rumbo ao areoporto e nos despedimos de Dublín. Pasamos unhas horiñas no aeroporto de Londres (moito shopping e Starbucks coffee) e a media trade collemos o avión que nos levaría ata Oporto.

FIN DA VIAXE. Haberá que agardar un ano para volver a repetir a experiencia. Moitas grazas, rapac@s!!

Luis, Dani e María

Dublín, martes 30 de marzo

A neve chega a Dublín. Toca ir a Enniskerry para visitar Powerscourt Estate and Gardens (www.powerscourt.ie). Foi unha mágoa non poder disfrutar máis deste impresionante lugar aos pés das montañas de Wicklow por mor da neve e o frío.

Á volta a Dublín, fixemos unha parada no pobo mariñeiro de Bray para comer e despois proseguimos coa viaxe a Dublín. A tarde deunos para dar un paseo pola cidade e para facer as últimas compras antes do regreso.

Dublín, luns 29 de marzo

Chove en Dublín. Empezamos o día cunha visita á Catedral de Saint Patrick's (www.stpatrickscathedral.ie) e aos seus xardíns cheos de referencias ás grandísimas figuras da literatura irlandesa.

A segunda parada foi na universidade máis famosa de Irlanda, o Trinity College (www.tcd.ie). Alí puidemos ver a exposición do Book of Kells (www.bookofkells.ie) e a Old Library, que contén unha copia de cada un dos libros editados na República de Irlanda e o Reino Unido.

Despois de comer collemos o bus para ir a Croke Park (www.crokepark.ie) e facer un tour polo estadio e visitar o museo de deportes gaélicos. Foi unha visita moi interesante, con práctica de hurling incluida.